Visualizacións de páxina totais

mércores, 14 de xuño de 2017

SAGRASAURIOS!

E despois de pasar uns meses moi divertidos aprendendo unha morea de cousas sobre DINOSAURIOS, os cativos de 4 anos C rematamos o noso proxecto!
Neste tempo estivemos entre todos facendo moitas preguntas sobre estes animais tan sorprendentes; investigando, resolvendo dúbidas, buscando información por nós mesmos a coa axuda inestimable das nosas familias... Tamén estivemos manipulando diferentes materiais, usando tanto soportes físicos como dixitais, que nos levaron a aprender moitas cousas sobre a era dos dinosaurios. 

GRAZAS FAMILIAS POR AXUDARNOS TANTO E TAN BEN!

E así foi como quedou o noso MAPA CONCEPTUAL:



mércores, 31 de maio de 2017

martes, 30 de maio de 2017

SEMENTAMOS... LEITUGAS!

Os cativos de 4 anos C estivemos na aula plantando unhas sementes de leitugas. Fixémoilo moi ben:
   1) Botamos unha pouca terra para ""facerlle unha cama""
   2) Botamos unha presa de sementes cativiñas de leituga chamada "dama de maio"
   3) Tapamos as sementes con terra ""tapámolas coa manta""
   4) Démoslles un pouco de auga para que crezan ben
   5) Puxémolas nun lugar con luz

E aquí podedes ver que traballo tan ben feito:


LEITUGAS - Kizoa Editar Videos - Movie Maker

xoves, 25 de maio de 2017

VISITAMOS MARÍA PITA(II)

O fío condutor da nosa ruta por MARÍA PITA foi a historia da batalla entre coruñeses e ingleses, iniciada coa lectura da carta de Sir Drake . En cada lugar da plaza aprendemos unha parte da historia e cada un destes lugares sservíronnos para desenvolver diferentes propostas educativas: 
        1. “O refuxio”, no vestíbulo do Concello. Área: Identidade e autonomía persoal (sensopercepción: vista). 
        2. “O valor das mans”, nos soportais do Concello. Área: Identidade e autonomía persoal (sensopercepción: tacto) 
         3.  “En alerta”, en Porta de Aires. Área: Identidade e autonomía persoal (sensopercepción: oído)
         4. “A unión fai a forza”, na parte central da praza. Área: Identidade e autonomía persoal (coordenadas espacio-temporais: movemento) 
        5. “Esta é a nosa historia”, arredor da estatua de María Pita. Área: Comunicación e representación (expresión oral e plástica) 

Foi unha xornada moi interesante. Aprendemos moitas cousas e foi unha actividade moi divertida! Aquí podedes ver as fotiños que o demostran: