MERENDOLA NO XARDÍN!

E un anos máis, os cativos de E. Infantil decidimos celebrar o final de curso, aproveitando o bó tempo, cunha merenda no xardín. Xa vai sendo unha tradición ano tras ano. E despois tivemos un tempo para compartir xogos e risas todos xuntos. 

Canto nos gusta sair cos amigos a merendar ao noso fermoso xardín!

DANDO UNHA VOLTA POLO UNIVERSO!

Os cativos de 5 anos B rematamos o proxecto sobre o UNIVERSO facendo un fermoso mural e dando unhas voltiñas pola lúa. Aquí podedes ver canto traballamos e o moito que nos gustou poñer un novo mural no noso corredor para lucir ben guapos cos nosos traxes de astronautas!

UNHA VISITA MOI ESPECIAL!

Os cativos de infantil tivemos a semana pasada unha visita moi especial. As nosas amigas de HUELLA SENSORIAL viñeron visitarnos con HURLEY, un canciño que se fixo tamén amigo noso desde o primeiro momento que apareceu na nosa escola. 

AS FASES DA LÚA

Os cativos de 5 anos B estivemos aprendendo nestes días as fases da lúa. E despois decidimos xogar a cambiar as fases lunares facendo a nosa propia lúa, e poñendo a nosa cartulina de diferentes formas para facer a LÚA CHEA, LÚA CRECENTE, LÚA DECRECENTE e LÚA NOVA. 

Foi ben divertido!

A COLIFLOR...

Lembrades que collemos unha coliflor na nosa horta fai uns días? Pois, estivemos pensando que facer con ela e... decidimos comela con chourizo! Estaba deliciosa! Non deixamos nadiña! 

SISTEMA SOLAR!

Os cativos de 5 anos B seguimos aprendendo unha morea de cousas novas sobre o SISTEMA SOLAR. Desta vez estivemos coa profe ISABEL facendo os movementos dos planetas arredor de sí mesmos e arredor so SOL. Pasámolo fenomenal! 

Aprender xogando, experimentando, e traballando todos xuntos é a mellor forma de APRENDER!

NA HORTA!

No mes de abril PAULA trouxonos unhas plantiñas para plantar na nosa horta: leitugas, remolachas, berzas... e fomos todos a plantar! Agora, un mes despois, fomos comprobar como creceron todas as plantiñas e puidemos ver que creceron lentamente, pero non morreron!

Tamén aproveitamos para observar varias cousas: as cenorias aínda son tan cativiñas que non as podemos comer, cada vez hai amorodos máis grandes e fermosos, sairon unha vez máis as papoulas! Estas flores enchen de cor vermello a nosa horta... canto nos gustan!