Estimadas familias:

Dende o equipo de Educación Infantil queremos transmitir que, seguindo as instrucións da Consellería de Educación, para estes días en que o cole permanecerá pechado propoñémosvos as seguintes recomendacións, que en ningún caso son obrigatorias: 

• Intentar seguir unhas rutinas respecto ás horas de sono e descanso. 

• Facer un uso responsable dos dispositivos móbiles, tabletas, televisión, consolas, pantallas…

• Contar contos e aproveitar para falar sobre eles, inventar finais distintos, facer algún debuxo sobre o conto…

 • Implicalos nas tarefas domésticas adaptándoas á súa idade: poñer a mesa, axudar a facer a cama, facer un biscoito…

 • Rescatar xogos de mesa, esconder mensaxes pola casa coma unha búsqueda do tesouro, facer unha guerra de almofadas, redecorar a habitación, inventar unha coreografía dun baile, facer un desfile de disfraces, montar unha cabaña, facer avións de papel, xogar a personaxes de conto, facer un collage, plantar unha lentella, facer un picnic no salón, guerra de cóxegas, facer un karaoke, escribir unha carta e disfrutar dun tempo de calidade xuntos.

 • Desdramatizar a situación actual vendo o seu lado positivo, disfrutando do tempo en familia e facendo que ese tempo que pasades con eles sexa de calidade. 

Un saúdo. Mestras de Educación Infantil 

Máis información na web do noso centro:

 http://www.edu.xunta.gal/centros/ceipsagradafamilia/