ENGLISH CORNER

A TEACHER DEIXOUNOS ALGUNHAS RECOMENDACIÓNS DE TAREFAS PARA FACER NA CASA. AQUÍ PODEDES VER ALGUNHAS QUE FIXERON YSAAC E MATÍAS:

E AQUÍ PODEDES DISFRUTAR DALGUNHAS CANCIÓNS:

COMPARTIMOS O QUE FACEMOS NAS NOSAS CASAS:

YSAAC FIXO UNHAS FERMOSAS CASAS CON MATERIAL DE RECICLAXE COA SÚA FAMILIA. SON MOI CHULAS!.

E TAMÉN APRENDIU A CANCIÓN DE MAGÍN BLANCO. LEMBRAS O BONITIÑA QUE É?

ESCOITA AS CANCIÓNS DO CONTO 

AS PITAS BAIXO A CHOIVA

CONCERTO DE MAGÍN BLANCO

MAGÍN BLANCO estivo na nosa escola, dando un concerto para o alumnado de Educación Infantil. Presentounos o seu último proxecto: CAMIÑOS

Foi moi divertido! Pasámolo moi ben cantanto e bailando tódalas súas cancións.

Aquí podedes ver unha das nosas preferidas:

A CAROLINA!

A CANCIÓN DESTE ANO DO DÍA DAS LETRAS GALEGAS:

PERO A NOSA FAVORITA É ...

QUÉROTE MÁIS...

Os cativos de 4 ANOS C  estamos nesta semana do amor e a amizade, falando sobre sentimentos, facendo debuxos, lendo contos... E aprendendo cancións que nos fan disfrutar cantando e bailando...

E con esta fermosa canción aprendemos a expresar os nosos sentimentos . 

Así o fixemos na nosa aula:

ABEL: HUGO, QUÉROTE MÁIS QUE A SOPA!

KARLA: CRISTIAN, QUÉROTE MÁIS QUE UNHA TORTILLA!

NOUREDDINE: SANTI, QUÉROTE MÁIS QUE UNHA SOPA!

ZAIRA: ELENA, QUÉROTE MÁIS QUE UN PLATO DE SOPA!

SABELA: PRISCILA, QUÉROTE MÁIS QUE A SOPA!

AINHOA: TÁCILA, QUÉROTE MÁIS QUE UNHA SOPA!

DARÍO: DANI, QUÉROTE MÁIS QUE A TORTILLA DE PATACA!

SANTI: SABELA, QUÉROTE MÁIS QUE UNHA PATACA!

SERGIO: DARÍO, QUÉROTE MÁIS QUE OS ESPAGUETIS!

HUGO: MATILDE, QUÉROTE MÁIS QUE UN PLATO DE ESPAGUETIS!

PRISCILA: HUGO, QUÉROTE MÁIS QUE AS PATACAS CON CARNE!

DANI: CRISTIAN, QUÉROTE MÁIS QUE UN OVO COCIDO!

QUÉROTE - Kizoa Editar Videos - Movie Maker

NO SAMAÍN...

... CANTAMOS CANCIÓNS DE MEDO!

Grazas,  unha vez máis, ao profe RAFA que no seu blog:

http://chilsemania.blogspot.com.es/2016/03/8-de-marzo_7.html 

comparte con nós esta fermosa canción, chea de mulleres da nosa terra, 

inspiradoras, reais, que son un reflexo da nosa sociedade:

CANCIÓN DE SAMAÍN!

Un ano máis decidimos cantar e bailar unha canción propia do SAMAÍN

Esta é a deste ano! Cantade e bailade connosco!

E se queredes cantar e bailar as de cursos pasados:

-  http://naaulademaria.blogspot.com.es/2014/10/samain-esqueletos.html

- http://naaulademaria.blogspot.com.es/2013/10/samain.html

DÍA DAS LETRAS

Os cativos de 4 anos B estivemos esta semana falando sobre o Día das Letra Galegas, e aprendendo moitas cousas sobre a vida e obra da persoa homenaxeada este ano: XOSÉ FILGUEIRA VALVERDE. Tamén fixemos un pequeño caderno para levar para a casa e compartir coas familias. 

Co motivo da celebración deste día o profe de Música, Javier, pasounos este ano unha canción para cantar todos xuntos no pabellón. Gustounos moito e aprendémola moi ben, aquí vos deixamos unha mostra dun ensaio na aula... Canto nos gusta cantar e bailar!

VAN GOGH E A SÚA OBRA(IV)

Outra pequena mostra das aportacións das familias para a nosa exposición na aula sobre Van Gogh e todo o relacionado coa súa obra! MOITAS GRAZAS, FAMILIAS!

Inés trouxonos unha CAIXA-SORPRESA que nos deixou abraiados! dentro da caixa estaba... A ORELLA DE VAN GOGH! Explicounos o que lle pasou ao pintor e o motivo da ferida na orella ... Canto nos gustou vela! 

Tamén nos trouxo dous CDs dun grupo que se chama LA OREJA DE VAN GOGH ... Estivemos escoitando toda esta fermosa música, e encantounos! Pero se non coñecedes o grupo deixámosvos aquí unha das nosas cancións preferidas:  

 LA OREJA DE VAN GOGH

Samuel trouxonos á aula un xirasol e amosunos as súas partes, díxonos que se chama así porque xira seguindo a luz do sol. Tamén nos trouxo unhas sementes para plantar na escola!

E aquí estamos plantando as nosas semenes de xirasol:

APERTAS QUE VOAN!

Os cativos de 4 anos B somos todos moi amigos e querémonos moito. Levamos uns días falando sobre o DÍA DA PAZ e facendo distintas actividades que nos axuden a entender mellor que as persoas deben respectarse entre elas e aceptar que cada un de nós é diferente, é especial... 

Unha das actividades realizadas na aula é esta: APERTAS QUE VOAN! Cada un de nós leva un vale por unha aperta no peto do seu mandilón, e decide darlle o vale e a aperta a unha persoa do cole que queira... ou que a necesite. Esta fermosa actividade preparouna e compartiuna o profe RAFA connosco... GRAZAS RAFA!

Mirade como nos gustan as apertas:

Ademáis este ano imos cantar e bailar todos a canción de Paco Nogueiras: APERTAS QUE VOAN! Podedes vela no blogue do profe Rafa. A nós gústanos moito! 

http://chilsemania.blogspot.com.es/

FESTIVAL DE NADAL

Neste último venres de clase os cativos de Educación Infantil celebramos o noso Festival de Nadal. 

Alí estaba Papá Noel e o seu reno explicándonos cousiñas do Nadal e o seu significado; e para axudarlles nesta tarefa, pedíronnos aos cativos de Infantil que cada aula levase unha palabra que representara o Nadal... A nosa clase decidiu levar a palabra ILUSIÓN. Puxemos todas as palabriñas xuntas para que todas elas nos axudaran a entender o Nadal un pouco mellor.

Tamén puidemos ver o fermoso conto "Cando Martiño tivo ganas de mexar na noite de Reis", e cantar todos xuntos. E para rematar o Festival, cada curso cantou e bailou a súa canción de Nadal. Nós cantamos a nosa canción "Muñeco de nieve" cos nosos compañeiros de 4 anos... foi todo ben divertido. Pasámolo moi ben!  

Aquí podesdes ver o último ensaio que fixemos na aula antes da nosa actuación,

así podedes ver moi ben como cantamos e bailamos todos...

 Estamos feitos uns artistas!!

CANCIÓNS DO MAGOSTO

Os cativiños de E. Infantil estamos moi ocupados preparando o noso magosto deste venres. Aquí vos deixamos a canción que andamos aprendendo e bailando nestes días. 

 "O RAP DO MAGOSTO"     Bailades?

E para os nostálxicos... aquí tedes a canción do curso pasado. Lembrades?

SAMAÍN!

Os cativos de 4 anos B, como xa sabedes, estivemos facendo na semana do SAMAÍN moitas actividades: asistimos ao conta-contos TÍO LOBO, decoramos cabazas, aprendemos cancións, cantamos e bailamos no baile do Samaín, fixemos morcegos, pintamos pantasmas e bruxas... unha morea de cousas!

E para rematar ben a semana, tamén fomos ver unha obriña de teatro: CORRE, CORRE, CABACIÑA. Aquí tedes unhas fotiños deste día:

E para que as disfrutedes tanto coma nós , aquí tedes familias,

a historia e a canción:

SAMAÍN: ESQUELETOS

Estimadas familias, esta é a nosa canción do SAMAÍN deste ano.

Cantade e bailade connosco!

E se o que queredes é lembrar as fermosas cancións do SAMAÍN pasado, aquí as tedes:

http://naaulademaria.blogspot.com.es/2013/10/samain.html

CONCERTO!

Hoxe tivemos na escola unha visita moi especial. Pablo Díaz veu deleitarnos con algunhas cancións dos seus discos: TIC-TAC e  TOC-TOC. Gustounos moito escoitalo e cantar con el as súas fermosas cancións.

Aquí podedes ver unhas fotiños da actuación:

E aquí, familias, podedes disfrutar dun "cachiño" da estupenda actuación de Pablo. Mirade o ben que cantamos unha das nosas cancións favoritas. Esperamos que vos guste tanto coma a nós...